Pahali
mulaakat
Middle class family hai jisaki laraki ko shaadi ke liye
larake vale dekhane aaye hain. Pariwaar vale laraki aur larake ko akele baat
karane ke liye ghar ke garden men kar diye hain, dono dhire dhire niche sar kiye chal rahe hain.
Boy - Hello … my name abhimanyu….
Girl - I know….
Boy - Vo… actually tum kuchh bol
nahin rahi to….
Girl - Main kya bolun aap hi
kahiye kuchh…
Boy - Main …. Kaisa laga tumhen…?
Girl - Good…
Boy - You are also good…… (ruk
kar) one mint ….. kya ham aise hi baat karenge…?
Girl - Aaaaan…? Nahin…..
Laraki fir chalane lagati hai laraka bhi saath
ho leta hai) dekhiye … hamaari shaadi arranged marriage ho rahi hai,… ham ekk
dusare ko bilkul bhi nahin jaanate … lekin main aapase ekk baat kahana chhahati
hoon ….
Boy - Kaho….
Girl - Shadi ke baad ( larake ki
taraf dekhate huye) mujhe ekk dost chaahiye… sirf husband nahin….
Boy - Mujhe bhi ekk dost hi
chaahiye…. Main chaahata hoon ki hamaare riahutshtey men pyaar se jyaada … ekk dusare ki respect
ho ….
Girl - Haan ….., ekk aur baat main aap se kahana
chaahati hoon….
Boy - Haaan ….. bolo….
Girl - Main dusaron ko bahut
lecture deti hoon…. Jo ye shaadiyon men dahej
ko gift aur samay dekhkar kar
diya gaya hai…. Esse khatma karana chaahiye…. Hai naaa?
Boy - ……
Girl - Di ki shaadi men mainne
virodh kiya tha lekin koyi maana hi nahin …. Vahan mera vash nahin chala… lekin
main apani shaadi men to…. ye kar hi sakati hoon na…
Boy - Haan haaan kyun nahin….
Girl - Haaan vahi to… ess bare
men mainne apane papa se baat ki to bole fir tumase koyi shadi hi kyun karega
…. Batao bhala … mujhase shadi karani hai yaa saaman….
Boy - Nahin karani to larki se hi
hoti hai… but jo saaman maa baap dete hain vo apane beti ko hi dete hain….
Khushi se….
Girl - Kaun bola beti ko dete
hain … pura pariwaar use karata hai jab tak laraki ki baari aati hai use karane
ki tab tak vo kabaar ban chuka hota hai…. Aur khushi vushi se nahin dete… samay
ka chalan dekhkar dete hain… ki log kya kahenge,… di ki shaadi men mainne dekha
tha papa kitane pareshaan huye the…. Ham middle
class pariwaar ke liye aath – dash laakh ki shaadi karana… koyi aashan kaam
nahin hai… bank se loan bhi lena par jaata hai…. Kyon…. Main saksham hoon… main
dhire dhire apani jarurat ka saamaan khud le sakati hoon …. Hai naa…? Main aisi
shadi chahati hoon jo hamaari generation ke logon ke liye example bane …. Aap
samajh rahe hain naaa….?
Boy – (Haaan men sar hilata hain)
Girl - Maine kuchh jyada hi bol
diyaa naa…. Kya krun main aisi hi hoon….. mere man men jo tha … maine vo kah
diya … abb aap aapaki marji … aap mujhase shadi Karen yaan ….. nahin….
Boy - Tumhare aisa karane se kya
hoga…. Log to….
Girl - Look we are young
generation …. Jo karana hai hamen hi karana hai…. Ham chaahen to kya nahin kar
sakate…….. lekin main akeli kuchh nahin kar sakti kyuki meri baat koyi nahin
maanega…. Mujhe sath chahiye apane partner ka …. Agar aapako abb mujhase shaadi
nahin karani to aap enakaar kar sakate hain…. Lekin please hamaare bich huyi
ess baat ko kisi se mat kahiyega… nahin to apani shadi kaatane ka elzaam mujhi
par aa jayega.
Boy - Mujhe achchha laga ki tum
aisa sochati ho… aasaan nahin hoga… lekin main poori koshish karunga ki jaisa
tum chahati ho … vaisa hi ho….
Girl - Khush hokar ) sach men ….
Thank you…. To…. Tumhara contact number mil sakata hai….? Mobile samane kar
deti hai.
Boy - Tumhaara…. Haan kyuon
nahin….. (number type kar deta hai)
Girl - Abb andar chalen sab soch
rahe honge kya kar rahe ham…..
Boy - Haaan haaan kyon nahin…. (Dono
andar chale jaate hain……)
No comments:
Post a Comment